အခန်းငယ်
ဘ၀တလျောက်လုံး ဖဲမကစားတတ်ခဲ့သမျှ
ဒီအခန်းငယ်မှာ
ဝှက်ထားတဲ့ဖဲတစ်ချပ်လို
လျှို့ဝှက်စွာငြိမ်သက်လို့
( အထီးကျန်ခြင်းပဲ အရင်းအချာရှိတော့သလို )
လက်ဖျံမှာအပ်ရာတွေထပ်လာတယ်
အသက်ရှုလို့က မ၀သေးဘူး
သေချင်လဲသေသွားပါစေတော့လို့ တွေးလိုက်မိတာ
( မှတ်မှတ်ရရ )
ဒီ January လထဲမှာပဲ ။
အသက်ရှင်ခြင်းက အကျည်းတန်ပါတယ်ဆိုရင်
လှလှပပသေဆုံးရဲလို့လား
ငါမေးမိတယ်
တချို့မေးခွန်းတွေမှာ အဖြေမရှိပေမယ့်
ရှင်သန်ခြင်းမှာ တိကျတဲ့အဖြေတစ်ခုရှိတယ်ဆိုတာ
ငါသိထားတယ် ။
တချိန်ချိန်မှာတော့ တစုံတရာဟာ
ဘာမှမရှိတာထဲက
ထွက်ပေါ်လာတာဖြစ်ရမယ်ဆိုတဲ့
ဝိုးတ၀ါးသိထားတဲ့ ဒဿနတစ်ခုရယ်
ရှင်သန်ခြင်းနဲ့မျှော်လင့်ခြင်းတို့ တိတ်တဆိတ်ဆူညံနေတဲ့
အခန်းငယ်ထဲမှာ … ငါ
အဲ့ဒီဝှက်ဖဲတစ်ချပ်ရဲ့အဖြေကို စောင့်ကြည့်နေတုန်းပဲ ။ ။
( မိုဃ်းဝေ )